Forside |
Siste 10 fra Valle og Rysstad |
Arkiv
|
14.07.2010
Slåttedag på Rygnestadtunet laurdag 17. juli
 Velkomen til slåttedag laurdag 17. juli, kl. 10.00 på Rygnestadtunet i Valle!
Ta med eigen ljå, langorv eller stuttorv. Det vert demonstrasjon og instruksjon i bruk av ljå. Vi vil også setje opp ei hesje for å turke høyet.
Slåttegraut vert servert kl. 12.00.
Sjå utstillinga Kulturlandskapet på Rygnestad før og no.
Rygnestad er eit av dei 20 utvalde kulturlandskapa i landet, og der fins ei av dei særs verdfulle slåtteengene i fylket.
• Kvifor har Rygnestad/Flateland fått nasjonal merksemd?
FMVA v/ Rune Sævre og FMLA v/ Lisbeth Svendsen Kismul
• Kva er gjort i det utvalde kulturlandskapet? Rygnestad og Flateland kulturlandskap v/ Ånund T. Flateland
• Kva finn vi i slåtteenga: plantar og biologisk mangfald?
Bioforsk v/ Ellen Svalheim
• Ljåslått og tradisjonar med ulike ljåtypar.
Setesdalsmuseet v/ Anders Dalseg
Arrangørar: Setesdalsmuseet og Rygnestad og Flateland utvald kulturlandskap
|
|
22.06.2010
Salsutstilling kunsthandverk Valle sentrum
 Spennande utstilling av 5 kunsthandverkare. "Twist," som dei kallar seg består av Lex de Jong, Hanny Podt,Jaana Ahola Lex de Jong,Ewald Assmann og Kirsti Tiedje. Alle er busette i Valle kommune.
Hanny Podt og Jaana Ahola er sølv- og gullsmeder. Ewald Assmann er keramiker og Kirsti Tiedje er treskjærer.
Utstillinga er i Frikyrkja i Valle sentrum.
Open alle dagar frå 11 - 18 i tida 3. juli - 25. juli.
|
|
17.06.2010
Gratis frukost i Valle sentrum
 Sentrumsforeninga inviterer alle på gratis frukost i Valle sentrum. Sentrum er bilfritt heile dagen og det står dekka bord i sentrumsgata. I tillegg blir det underhaldning med artistar frå Valle, Setesdal og USA.
Om kvelden blir det brusteinsball.
Les meir
|
|
15.06.2010
Familedag på Brokkestøylen laurdag 19. juni 11 - 18
 Spennande aktivitetar for heile familien. Ta turen til Brokkestøylen på laurdag. Her kan ein ri på hest, mate dyra, delta i natursti, vaske etter ekte sølv - med meir. Kafeen er open og du kan få kjøpt mat og drikke.
Arrangementet er ein del av markeringa av Suleskarvegen sitt 20-års jubileum.
Velkomen til ein triveleg dag på støylen.
Les meir om Brokkestøylen
|
|
04.06.2010
Padling i villreinens rike
 Har du nokon gong opplevd kor nær naturen du kjem i ein kano?
I Setesdal vesthei på 900 - 1000 meters høgde kan du padle inn i landskapsvernområdet, SVR. Europas sørlagaste villreinstamme held til her.
Les meir
|
|
04.06.2010
Brokkestøylen opnar for sommarsesongen
 Brokkestøylen har spennande aktivitetar for familiar. Her vil barna stortrivast - lenge.
Les meir
|
|
15.07.2009
Setesdalsbunaden i kvardag og fest
 "Setesdalsbunaden i kvardag og fest"
Tveitetunet 19.juli, kl. 14.00
Hallvard T. Bjørgum er spelemann.
Alle velkomne!
Inngong kr 50,-.
Arr: Valleutstillinga og Valle Bygdekvinnelag
|
|
10.07.2009
Bispevegsmarsjen 2009 laurdag 1. august
 Ca 30. km turmarsj med start på Øysæ i Fyresdal og innkomst ved Valle kultursenter (Skuleområdet). Marsjen går etter den merka turistløypa som heiter Bispevegen. Frå start kryssar ein støylsdalen Finndalen med matstasjon på Nyestøyl. Vidare vestover høgheiane mot Valle med ei heller bratt nedstiging til Valle før ein går gjennom gamle gardstun i Vallebygda til mål i skuleområdet. Turen er relativt krevande, der 10 år er tilrådd nedre grense.
Buss går frå Valle kultursenter kl. 06.30 til start som er kl. 09.00. Frå Fyresdal sentrum går det buss til start kl. 08.00
Prisar: Startkontingent kr. 50 (vaksne)/kr.30.-(u. 16 år)
Buss:frå Valle: kr. 150.- (vaksne)/ kr. 100.- (u.- 16. år), frå Fyresdal m.retur kr. 200.-, kr.130.-(u.16 år).
Påmelding fram til kvelden før marsjen til: Dreng Rike Tlf. 37937156/41258958, Turistkontoret i Valle Tlf. 37937529 eller E-post: post@valle-il.no.
kart over løypa Meir info på Valle IL si heimeside
|
|
07.07.2009
Kunstutstilling på Setesdalsmuseet
Sommaren 2009 er det tre gjeste utstillarar på Setesdalsmuseet.
Museet har ope dagleg fram til 17. august i tida 11 - 17.
Les meir
|
|
07.07.2009
Sundag 12. juli er det barnas dag på Tveitetunet
 Heile dagen er det spanande aktivitetar for borna. Døme på aktivitetar er toving av ull, eventyrlesing, rosemåling, spikking,
og binding av blomekrans. Aktivitetane tek til klokka 10 og held på heile dagen.
|
|
